Дағдарыс дауыстары
Қазақстандағы тұрғын үй жүйесінің құрылымдық мәселелеріне тап болған, ата-анасының қамқорлығынсыз өскен адамдардың шынайы оқиғалары.
Людмила Амборосова
2020 жылға қарай Людмила пәтерді он жылдан астам уақыт бойы күтіп келген. Тұрғын үй мәселесі бойынша мемлекеттік органдарға жүгінген кезде оған: «Жұмысқа барыңыз», — деп жауап берген.
«Бәрі он жылдан астам күтеді», — деген оған мемле кеттік орган өкілдері.
«Бірақ менің балаларым бар», — деп жауап берген Людмила.
«Бәрінің де балалары бар», — деген жауап алған.
Карина Бексапарова
Алматы облысындағы жекеменшік балалар үйінің ондаған түлегі өздеріне тиесілі төлемдердің жоғалып кеткенін хабарлаған. Жастардың айтуынша, олар мекемеден ешқандай қаражатсыз шыққан.
«Балалар үйінен шыққаннан кейін біз белгісіздікке бет аламыз. Біздің ата-анамыз жоқ — ешкіміміз жоқ. Сондықтан балалар үйінен шыққан көптеген адамның өмірі қиын қалыптасады».
Юрий Житников
Мемлекеттік тұрғын үй кезегі жаңа электрондық жүйеге ауыстырылғаннан кейін оның он бес жыл бойы кезекте тұрғанын растайтын мәліметтер жоғалып кеткен.
«Біз кезекте бірге тұрдық. Әпкеме пәтер алу үшін кезегі келгенін хабарлаған кезде, менің тізімде мүлде жоқ екенім анықталды», — деп еске алады Юрий.
Виктория Шешнёва
«Отбасы банк» АҚ-ның Тұрғын үймен қамтамасыз ету орталығында Виктория Шешнёваға «жетім балалар» санаты бойынша қазіргі уақытта 2010 жылы кезекке тұрған азаматтардың өтініштері қаралып жатқаны түсіндірілген. Оның кезегі әлі келген жоқ.
Оған тұрғын үй тұрғын үй кезегіне тіркелген жылға сәйкес бөлінетіні де түсіндірілген.
«Кеше сіңлімнің құрбысының жігітіне пәтер берілді — ол бізден кейін кезекке тұрған еді. Бұл пәтерлердің қалай бөлінетінін мүлде түсінбеймін. Кімге жүгінуім керек?»
Анна Аксёнова
Анна Аксёваның оқиғасы сот талқылауынсыз-ақ адамның берілген тұрғын үйінен айырылып қалуы мүмкін екенін көрсетеді.
2014 жылы оған екі бөлмелі пәтер берілген. Кейін оны сол ғимараттағы бір бөлмелі пәтерге «ауыстырған», ал ақырында ол мүлде баспанасыз қалған. Анна он жылдан бері болған жағдайға жауап іздеп келеді.